بایاتیلار - 15

عزیزیم آغلامازدیم
گولردیم آغلامازدیم
بیلسئیدیم وفان بودور
سنه بئل باغلامازدیم

*

عزیزینم دوست آشی 
دوست چؤره یی دوست آشی
دشمنین گول له سیندن
یامان اولار دوست داشی 

*
عزیزیم آتار منی
هر درده قاتار منی
نامرد گلیب مرد اولماز
دوسلوقدا ساتار منی 

*
عزیزیم داغا گلیر
بولبوللر باغا گلیر
نامردین قایداسی دیر
جان وئرن چاغا گلیر

*
عزیزیم دالداسینا
غونچه گول دالداسینا
نامرد ائله نامرددیر
اؤزو نه ، دالداسی نه 

*
عزیزینم آی باتدی
اولدوز باتدی آی باتدی
یاریم بی وفا چیخدی
منی اغیارا ساتدی 

* 

عزیزیم یانیب آغلار

قاباریب یانیب آغلار

ظولمون یادیما دوشوب

اوره ییم یانیب آغلار

*