بایاتی لار - 7

درد آشار باشدان گئچر
کیپریکدن قاش دان گئچر
دوغرو سؤز دوغرو کلام
دوواردان داشدان گئچر
*
نارینجی دوغرامازلار
دسمالا باغلامازلار
وفاسیز یار یولوندا
بیر بئله آغلامازلار
*
فلکین بیر گولو وار
سینه مده دویونو وار
سن بونا شوکور ائله
بوندان بئتر گونو وار
*

چوخدانکی نوحه لر

شمر ائلییب باغریمیزی قان حسین
جانیمیز اولسون سنه قربان حسین
*
آغلاتدین داغی داشی
آغلاتدین داغی داشی
هانی حسینین باشی ؟
سنه قربان ذوالجناح
ندن شیحه چکیرسن
اوز مئیدانا قاچیرسان
مگر آقام اؤلوبدو
سنه قربان ذوالجناح
*
نئجه قان آغلاماسین داش بوگون
کسیلیب یئتمیش ایکی باش بوگون
*
ای وای شمر الیندن
*
بو نه عالم دی ندن بو حاله قالدین ذوالجناح
نئینه دین بی کس آقانی هاردا سالدین ذوالجناح
*

بیر نوحه

عم اوغلو کوچه ده بیر راه چاره آختاریرام
آچیق دییه نمیرم اهل اشاره آختاریرام
قباله گئتدی ییخیلدیم یئره قباله کیمی
الیم اوزومده سینیق گوشواره آختاریرام
یازانی : ؟
*

نوحه - میرزا رضا صراف

هرایه گل آتام اوغلو
اخا دوشدوم داخی دیلدن
هرایه گل آتام اوغلو
ویریلدیم باشدان بئلدن
هرایه گل آتام اوغلو
گل ای ایستکلی قارداشیم
بلا بزمینده یولداشیم
بدن ده دؤزمیری باشیم
هرایه گل آتام اوغلو
آخیبدیر باشیمین قانی
توتوب هر سمتی هر یانی
سنی زهرا آنان جانی
هرایه گل آتام اوغلو
منیم سن سیز پناهیم یوخ
داخی امیدگاهیم یوخ
بیر اؤزگه دادخواهیم یوخ
هرایه گل آتام اوغلو
توتوم آرتیق اذیت دیر
ولی عباسه منت دیر
قبول ائت گرچه زحمت دیر
هرایه گل آتام اوغلو
نوارش ائیله عباسه
قتیل قوم نسناسه
ابوالفضل اؤلدی گل یاسه
هرایه گل آتام اوغلو
فلک صبریم آلیب آخر
منی درده سالیب آخر
گؤزوم یولدا قالیب آخر
هرایه گل آتام اوغلو
زبس اوخ سینه مه باتدی
سینیب سینم نفس باتدی
قولوم گئتدی علم یاتدی
هرایه گل آتام اوغلو
اؤلور عباس دلخسته
باخیر بو حاله هر دسته
گل آل باشین دیزین اوسته
هرایه گل آتام اوغلو
غمیم اغیاره بیلدیرمم
بو سؤزدن اؤزگه سؤز بیلمم
جمالین گؤرمه سم اؤلمم
هرایه گل آتام اوغلو
آنام یخودور آچا باشین
تؤکه شوریله گؤز یاشین
آتار کیم نازلی قارداشین
هریاه گل آتام اوغلو
منی گل گؤر جگر داغلا
اؤزون قارداش دئییب آغلا
اؤلورم گل گؤزوم باغلا
هرایه گل آتام اوغلو
دی گل قوی جان وئریم راحت
بو قارداشین چکر حسرت
اولا بیر سنله هم صحبت
هرایه گل آتام اوغلو
بو صراف مصیبت خوان
اولوب مستغرق عصیان
سنی دعوت ائدیر هرآن
هرایه گل آتام اوغلو
*

نوحه - میرزا رضا صراف

جناب قاسم نوحه سی
اؤلورم بیرجه یئتیش داده عمو
قویما جیسمیم قالا صحراده عمو
باشیم اوستونده اگر گلسه سسین
جان وئریر جیسمیمه عیسی نفسین
آناما سؤریله منی گؤزله مه سین
قالدی حسرت منه دونیادا عمو
آلدی اطرافیمی بو لشکر کین
یولومو کسدی عمو شمر لعین
داخی گلمک منی چوخ اولدو چتین
سن اؤزون گل یئتیش امداده عمو
سسله رم یئتمیری بیر یانه سه سیم
دگدی اوخ سینه مه سیندی قفسیم
سن گلینجه اولور آخیر نفسیم
چوخ دگیب یاره بو ناشاده عمو
منی یالقیزلادی بو قوم عدو
سوسوز اؤلدوردو عمو وئرمه دی سو
قیرمیزی قانیم اولوب آب وضو
ایستی قوملار منه سجاده عمو
شاهبازین دئمه یی شهپر اولوب
تیر اعدا منه بال و پر اولوب
قاتیلیم الده توتوب خنجر اولوب
باشیمی کسمگه آماده عمو
سوسوز اؤلمک نه کی زحمت دی منه
بو یولون زحمتی راحتدی منه
اؤلورم عین سعادت دی منه
سال بو حالتده منی یاده عمو
شام ائدیب اهل جفا گوندوزومو
سالدیلار ناحق عمو حق سؤزووی
گل گؤروم بیرده مبارک اوزوو
یالوارام قویما بو جلاده عمو
ای عمو قالدی قورو یئرده باشیم
سایه گؤرمز بولورم بیرده باشیم
لله الحمد اولوب آخرده باشیم
آشنا خنجر فولاده عمو
اوخو بو مصرعی صراف اؤزون
اؤلورم بیرجه یئتیش داده عمو
تؤکسمه سه بیر بئله گؤز یاشی گؤزون
یاندیریر عالمی بو اودلو سؤزون
*

قارداش نوحه سی
























بو گونلر گؤزومون قاباغیندان قیراغا چکیلمیرسن قارداش




مشکی پاره گؤزی یاره قارداش
دور منی قویما آواره قارداش
آچ گؤزون یاتما ابوالفضل
آی کیمی باتما ابوالفضل
قلبیمه شعله سالیرسان
صبر و آرامیمی آلیرسان
آغلییرام من باشیوین اوسته
آغلیاندا ال ساخلیرسان
دور حسینون دوشوب درده قارداش
چاره قیل قوم نامرده قارداش
مشکی پاره گؤزی یاره قارداش
دور منی قویما آواره قارداش
سن ییخیلدون یاتدی پرچم
قلبیمه غم دولدو کم کم
چؤللره سو جاری اولدو
قان اولئیدی نهر القم
ال اوزوبسن اللریمدن
قان آخور چشم تریندن
قانلی پر قانلی بازو ابوالفضل
ائتدی بی پر سنی سو ابوالفضل
مبنع : یوتیوب
*

نوحه - محمود کریمی

دئنن نیه یارالی ننه
گؤزلریوی باغلیرسان
منی گؤرنده هر گئجه
یاواش - یاواش آغلیرسان
نئچه گئجعه یانیندا من
جاوان ننه یاتمیشام
گؤرنده وضع قولووی
گرزلریمی باغلامیشام
وای ای جاوان نه
سینه سی چوخ سینان ننه
اوره یی چوخ یانان ننه
منیم ننه م حیالی دی
مدینه نین مارالی دی
یاواش قویون مزارینه
بئلی سینیب یارالی دی
وای آنام ای وای
وای ننه م ای وای
*

دو قفس - جبران خلیل جبران

دو قفس
در باغ پدرم دو قفس بود. در درون یکی از آنها شیری است که غلامان آن را از بیابانهای نینوی آورده بودند و در درون دیگری پرنده ای که هرگز از نغمه سرایی خسته نمی شود. پرنده هر روز هنگام سحر شیر را صدا می کند و می گوید : صبح به خیر برادر زندانی
.
ایکی قفس
آتامین باغیندا ایکی قفس واردی. بیرسینده بیر آسلان ، بیرسینده ده بیر قوش که نوکرلر نینوادان گتیریبلر. قوش هیئچ واخ چهچه
وورماقدان یورولمور. قوش هر گون سحرچاغی یوخودان دورماخ همان آسلانی سسلییب دئییر: سحرین خئیر اولسون زندانلی قارداشیم.
*

بایاتی لار - 6

عزیزیم های منیم چون
وئره یدین پای منیم چون
من اؤلسم سنه قوربان
سن اؤلسن وای منیم چون
*
عزیزیم قاراسیندان
یاش آخار قاراسیندان
آدام دا ال چکرمی
اؤز جیگرپاراسیندان؟
*
باغیندا توت نوباری
یئمه یه توت نوباری
سئودین آلا بیلمه دین
آدینی توتما باری
*
قوچاقدی شیردی بالام
قیبله دی پیردی بالام
گل فلک قیما منه
یازیغام بیردی بالام
*
بولبول دولوبدور باغا
بیر گول سالیبدیر داغا
سایانین قولو اولسان
سایمییانا اول آقا
*

اؤیره ده جه یم - فرقانه

آچیلان سحردن اوزو آخشاما
من سنه داریخماق اؤیره ده جه یم
بیر باهار آخشامی سؤیکه نیب شاما
من سنه داریخماق اؤیره ده جه یم
حسرتین گؤزومدن آخیب سوزولر
بو واراق عؤمرومه میصراع دوزولر
ایکیمیز داریخساق دونیا اوزولر
من سنه داریخماق اؤیره ده جه یم
کؤنلومو آلیرام آچ اومودلارین
منه طاقت وئرین منه گوج وئرین
دؤشه نیب اوستونه خاطیره لرین
من سنه دارخماق اؤیره ده جه یم
تؤکوب گؤزلریمدن یاز یاغیشینی
گؤیردیم من ساری خوش باخیشینی
دیزیمین اوستونه آلیب باشیمی
من سنه داریخماق اؤیره ده جه یم
قورخورام گووه نم گووه نیم سینا
یامان دیره شیبدی قیلینجیم قینا
ایشیمی گوجومو آتیب بیر یانا
من سنه داریخماق اؤیره ده جه یم
*

صائب تبریزی

شاه من در کوی تو تا کی کنم فریاد کی؟
داخی طاقت قالمامیشدیر ، دادکی ، بیداد کی
همدمم غم ، مونسم غم ، دلبر و غمخوار غم
ای دولانیم باشینا ، سن سیز دگیل دلشاد هی
گاه عشوه ، گاه غمزه ، گه تغافل ، گه نیاز
آپاریرسان عقلیمی بیر شیوه کار استاد هی
بس همه شب در فراقت زار و نالان بی رقیب
قالمیشام زار و نزار ، ای یار من ، ایمداد هی
در دل صائب بسی جا کرده است چشمان مست
ایکی کافر بیر مسلمان اؤلدورور بیداد هی
*

سؤز

سؤزو آت یئره صاحابی گؤتوره ر
سؤزون دوزو داش دان گئچر
سؤزون بیلمه ین آغیز باشینا داش سالار
سؤزون ایله ایشین بیر اولسون
سؤز قوشا بنزه ر بوراخسان اوچار گئده ر
*

قلیان

حسن ده قلیان چه کر
حسین ده قلیان چه کر
تنباکو چوخ اولان دا
سیچان دا قلیان چه کر
*

ایت

ایت ایتینن بوغوشدو یولچونون الینه گیره وه دوشدو
ایت ایتنن سالواشسا ف قورد کؤرپونو اشیب گئچر
ایت ایته بورودو ایت ده قویروغونا
ایت ایتین قویروغون آیاخلاماز
ایت ایتلیغین ترگیتسه سومسونمه غین ترگیتمه ز
ایت هورویه ر کاروان گئچر
ایته ده بیر چؤره ک بورجو وار
*