آخ نئجه کئف چکمه لی ایام ایدی- علی اکبر صابر طاهرزاده

آخ نئجه کئف چکمه لی ایام ایدی
اونداکی اولاد وطن خام ایدی
اؤز حق مشروعینی بیلمزدی ایل
چهره حریته گولمزدی ایل
گؤزلرینی بیر کره سیلمزدی ایل
غزته یه ژروناله اییلمزدی ایل
دائم ائشیتدیکلری اوهام ایدی
آخ نئجه کئف چکمه لی ایام ایدی
*
اولکه ده بونجه یوخیدی عیب جو
نئیلردیکسه گؤزونوردو نکو
خلق ده دیداریمیزه آرزو
بیزده واریدی نه گؤزل آبرو
حرمتیمیز واجب اسلامیدی
آخ نئجه کئف چکمه لی ایامی دی
*
ملته چاتدیقجا غم عیاش ایدین
حاکمه یار ، آمره قارداش ایدین
قبله طاعتگه اوباش ایدین
هاردا آش اولسایدی اورا باش ایدین
هر گئجه هر گون بیزه بایرام ایدی
آخ نئجه کئف چکمه لی ایام ایدی
*
گرچه ریا ایدی بوتون کاریمیز
کاریله برعکس ایدی کرداریمیز
لیک همان وار ایدی مقداریمیز
حجت ایدی هر کسه گفتاریمیز
خلقین ایشی بیزلره اکرامی ایدی
آخ نئجه کئف چکمه لی ایام ایدی
*
عیبیمیزی چولقالامیشدی عبا
هرنه گلیردی بولاشیردی قابا
کیم نه قانیردی نه دی زهد و ریا
ناخوشه خاک دریمیزدن شفا
صومعه میز کعبه احرار ایدی
آخ نئجه کئف چکمه لی ایام ایدی
*
بیزلریدیک خلقین ایناندیقلاری
پیر هدایت دییه قاندیقلاری
نور گؤروردولر قارانلیقلاری
بیزده ایدی جمله قازاندیقلاری
کیم بیزه پول وئرمه سه بدنام ایدی
آخ نئجه کئف چکمه لی ایام ایدی
*
ایندی آداملار دیه سن جن دیلر
جن نه دی شیطان کیمی بی دین دیلر
لاپ بیزی اووسارلادیلار میندیلر
آی کئچن ایام اولاسان ایندی لر
اونداکی اولاد وطن خام ایدی
آخ نئجه کئف چکمه لی ایام ایدی

خیال خامه دوشمه - علی اکبر صابر طاهر زاده

اینانمام سؤیلمه آرتیق کی فیض اباد اولور عالم
یاغار امکان رحمت باغ عدل و داد اولور عالم
دوغار خورشید حریت بوتون آزاد اولور عالم
خیال خامه دوشمه ، بیلمه بیر گون شاد اولور عالم
بو ایکن وضعیمیز چوخ چکمه دن برباد اولور عالم
*
نه ایستیرسن جانیم ، ال چک یته ر فریاد
نه یاپسون کهنه لرله دلبر نوزاد حریت
بوتون اخوانین ایکنسنگدل جلاد حریت
خیال خامه دوشمه ، بیلمه بیر گون شاد اولور عالم
بو ایکن وضعیمیز چوخ چکمه دن برباد اولور عالم
*
اوخور تحصیل ایله احراز حریت قیلار انسان
بو سؤزون دوغرودور اما هانی مکتب هانی عرفان
قالیرکن اولکه میز مکتب سیز اولادیمیز نادان
خیال خامه دوشمه ، بیلمه بیر گون شاد اولور عالم
بو ایکن وضعیمیز چوخ چکمه دن برباد اولور عالم
*
تجلی ائتدیکین گؤردوک او محبوب دلارامین
فقط آل قانه غلطان اولدوغوندا گؤردوک اسلامین
باشیندان چیخمادیقجا ری هواسی شاه گمنامین
خیال خامه دوشمه بیلمه بیر گون شاد اولور عالم
بو ایکن وضعیمیز چوخ چکمه دن برباد اولور عالم
*
اگر سن گؤرمه دینسه ذوقونی گلذار اکوانین
یقین ائت منده گؤرمم بیر صفاسین او گلستانین
سن و مندن سورا یا دگیشیرمی حالی دورانون؟
خیال خامه دوشمه ، بیلمه بیر گون شاد اولور عالم
بو ایکن وضعیمیز چوخ چکمه دن برباد اولور عالم
*

سؤزنن ظارافات اولماز - ممد آراز

بو سؤزدو درد دی قهر دی
سونو ایشیقدی ، سحردی
آتدی ، جیلوو دو ، یه هر دی
سؤزنن ظارافات ائیله مه
*
بو طالیعین بد یولودو
توزلو ، قوملو ، کند یولودو
کیمه سه جنت یولودو
سؤزنن ظارافات ائیله مه
*
سؤزون سؤزو پوزماغی وار
قایالارا یازماغی وار
ده وه کیمی قیزماغی وار
سؤزنن ظارافات ائیله مه
*
قیلینج کیمی سووار سؤزو
دؤیوشلره آپار سؤزو
قورخار سؤزدن مزار سؤزو
سؤزنن ظارافات ائیله مه
*
هارداسا ارضین باشی دی
قصد - غرض بیلمز ، ناشی دی
هارداسا اهلت داشی دی
سؤزنن ظارافات ائیله مه
*

دوسلار قازسین مزاریمی - ممد آراز

گؤزلریمه پایین یئتسه
گؤزون ایدین تورپاق آنام
سون سؤزومو ، سون آندیمی
گومولدانا - گومولدانا
دوسلار قازسین مزاریمی
*
قار اوداسی کرمین دیر
بولاق باشی علعسگرین
آراز اوسته سیوری دوران
بیر قایادا منیم یئریم
دوسلار قازسین مزاریمی
*
ایچی گولر اسمی دؤنوک
گؤزلریندن یاش اله یر
مقام تاپا ، یاش یئرینه
سون ائویم داش اله یر
دوسلار قازسین مزاریمی
*
حلال سؤزوم ، هارداس بیر
حلال قلبه دئییم دوشدو
هاردا چاشدیم ، هاردا آشدیم
یؤنسوزلویه یؤنوم دوشدو
*
گوناهلاریم چوخسا ییغین
بوکوب قویون باش آلتینا
بلکه ائله باشیم حلال
باش آلتداکی داش آلتینا
دوسلار قازسین مزاریمی
*
سینه م اوسته حک اولونا
خیش دسته یی ، بیرده قلم
اؤز قبریمه گوله - گوله
اؤزوم یئنمک ایسته ییرم
دوسلار قازسین مزاریمی
*

قوری گؤل - خسته قاسم

قورو گؤل ازلدن آدی بللی سن

هر یاندان اوستونه جاده لر گلی

نه چار حووض ایچمک اولمور اولمور سویوندان

ایچه نین باغرینا زده لر گلی

*

ای قورو گؤل سنین سویون گولابدی

ایمانلی سددیندن گلن سئلابدی

گون چیخان طرفین اریشتنابدی

هر یاندان اوستونه آده لر گلی

*

اوجا داغلاری وار دومانلی مئه لی

آلچاق چمنلری چیسگین لی شئه لی

آدی نرگیز خانیم شیروانا ده لی

سئوگی سئوگیسینی یاد ائلر گلی

*

قیزلار چیخاردؤوروه نده گول درمه یه

دریب اونو پنهان یئره سرمه یه

قسمتی اولمایان یارین گؤرمه یه

قاسم تکین او دلداده لر گلی

*

قوروگؤل

وسعت منطقه:120هكتار
تاريخ انتخاب به عنوان تالاب بين المللي23/6/1975
در شمال بزرگراه تهران-تبريز و در استان آذربايجان شرقي قرار گرفته است. منطقه زاد و ولد اردك سرسفيد مي باشد. اردك بلوطي نيز در قوري گؤل تخم گذاري مي نمايند. قوري گؤل تنها منطقه اي است كه در آن كشيم گردن سرخ در ايران زاد و ولد مي كند. علاوه بر آن، بسياري از پرندگان آبزي در زمستان، منطقه مشاهده مي گردند مانند خوتكاي سفيد و چنگر، تنجه و آنقوت.
از اين منطقه براي تفرج، شكار اردك، ماهيگيري تفريحي، چرا و بالاخره قطع ني استفاده مي شود. علي رغم اين فشارها، اين درياچه در موقعيت خوبي قرار گرفته است و تهديد مهمي بر آن اعمال نمي گردد.

نقل قول از این وبلاک

www.orman86.blogfa.com/

*

چیچکلرین قیزیل قانی - اسماعیل جمیلی

چیچک لرین قیزیل قانی
چیچک لرین قیزیل قانی یوماقدادیر قارانلیغین قباحتین
هارایلارین حقلی سسی کسمه ده دیر شوم نفسین ولایتین
قودوز قودورقان جانی لر قانین توکور چلنگ چلنگ لاله لرین
گؤزو باغلی قوللوقچوولار آرتیرمادا استبدادین رذالتین
دینی اینانج اولسایدی دا زاهید لرین چال چاپینین اویونجاغی
چیرکین اوزو چیخدی اؤزه ایرتیجانین فاسد فوسیل حیکومتین
اسمه ده دیر ایلیق یئللر حسرت اولان آزادلیغین عطری گلیر
آچمادادادیر سئوگیلی یار نقابینی آی اوزوندن حورییتین
دالغالانان یاشیل لیغین قورخوسوندان دیشی دوشموش قاریمیش قیش
سون گوجیله یاساقلاییر عبث یئره قیزیل گولون طراوتین
آنلی آچیق باشی اوجا الی یالین کور قورشونلار قارشیسیندا
قورتولوشون وورغونلاری گؤسترمه ده شوجاعتین نهایتین
حق اؤزو امداد ائله سین حقلی اولان حق سؤیله ین عاشیقلره
قارانلیغین باتیشیندا گؤرسون ائللر ایشیق اوزون سعادتین
اسماعیل جمیلی 1-4-88
*

دورنالاری دؤنمز اولدو داغلارین - ممد آراز

بوز قایالار چاپیقلاندی ، قارالدی
دورنالاری دؤنمز اولدو داغلارین
آلا گؤللر چامیرلاندی ، قارالدی
دورنالاری دؤنمز اولدو داغلارین

آزاد دورنام یول ایسته دی ، یول بؤلوک
تالا بؤلوک ، چالا بؤلوک ، گؤل بؤلوک
گؤیلویونو نئجه ساخلار بو گؤیلوک
دورنالاری دؤنمز اولدو داغلارین

ایکی جاوان بولاقدا سؤز باغلادی
دورنالارین یولونا گؤز باغلادی
ساخسی سنک گؤیردی ، بوز باغلادی
دورنالاری دؤنمز اولدو داغلارین

ایری لیگه اییلمه ین ایری قار
یاغدی سنه ایری یاغیش ، ایری قار
قوشا داغا قوشا گول له قویدولار
دورنالاری دؤنمز اولدو داغلارین

او واقیف دی - اوداسینا اود دوشن
او ذاکیردی - صدراسینا اود دوشن
او آرازدی - سما سینا اود دوشن
دورنالاری دؤنمز اولدو داغلارین

*