بایاتی

نارینجی دوغرامازلار

دسمالا باغلامازلار

وفاسیز یار یولوندا

بیر بئله آغلامازلار

*

یاندیریب یاخدی منی  

داغ – داشا چاخدی منی  

مرد بیلیب آرخالاندیم  

نامرددیر ییخدی منی  

*

داغلار داغلادی منی 

زولفون باغلادی منی

نامردین بلاسیندان  

ائللر آغلادی منی  

*

داغلار باتیبدی قارا  

اووچو دوشوبدو دارا  

اوزووه گولن دوستون  

قاییت بیر قلبین آرا  

*

داغ باشین چن آلارمی؟  

آلسا کؤلگه سالارمی ؟  

بیر مظلومون قیصاصی  

بیر نامردده قالارمی ؟ 

*