کاروان گئدیر تبریزه
بولو چیخیبدی دوزه
گؤزل بئیله بئزه نمه
گلرسن یامان گؤزه
*
کاروان گئدیر تبریزه
یولو چیخیبدی دوزه
دونن دئدین گلمه دین
باریم بوگون گل بیزه
*
عزیزیم مرنده گل
تبریزدن مرنده گل
بیر گلدین خسته گؤردون
بیرده جان وئره نده گل
*
بایاتی
نارینجی دوغرامازلار
دسمالا باغلامازلار
وفاسیز یار یولوندا
بیر بئله آغلامازلار
*
یاندیریب یاخدی منی
داغ – داشا چاخدی منی
مرد بیلیب آرخالاندیم
نامرددیر ییخدی منی
*
داغلار داغلادی منی
زولفون باغلادی منی
نامردین بلاسیندان
ائللر آغلادی منی
*
داغلار باتیبدی قارا
اووچو دوشوبدو دارا
اوزووه گولن دوستون
قاییت بیر قلبین آرا
*
داغ باشین چن آلارمی؟
آلسا کؤلگه سالارمی ؟
بیر مظلومون قیصاصی
بیر نامردده قالارمی ؟
*
ایکی بایاتی
عزیزیم بولور کاسا
تاقچادا بلور کاسا
من ده گوناه اولسئیدی
گئده ردیم التماسا
*
عزیزیم جانی یارا
قییارام جانی یارا
توتوم سالیم قفسه
گؤنده ریم جانی یارا
*
اشتراک در:
پست‌ها (Atom)