عبداللاه صمدی دن بیر شعر

یورولمورسان او قانلی تیغی سیلمکدن
ومن هر گون سنه قوربان کسیلمکدن
قانیرسان ایندی قان احساسیمی ای گول
نه یه لازیم اولند ه ن سونرابیلمکدن
سنی من ترک ائدم ترک ائتمه ره م حتی
بو سئوگیله سوکولسم ایلمک ایلمکدن
سیز اینسان آدلانانلارسیز اینانین کی
قورو داش جانلانار سئومک سئویلمکدن
آغاجدان "رندی" سن اوفتاده لیک اویر ن
گتیرسن بارشان آرتار اییلمکدن
عبدالله صمدی "رندی ماکویی

منبع : وبلاک قارا بالیق

*

حنا گئجه سی

حنانی گتیر انا

بارماغین باتیر آنا

بو گئجه موسافیرم

قوینوندا یاتیر آنا

*

بایاتی لار - 5

آیا باخدیم آی آیدین

گونه باخدیم گون آیدین

گؤزللر آراسیندا

نیشانلیم سن اولایدین

*

باشماغیم آلتی میخ دی

آت اولکوب منی ییخدی

آتا منی ائولندیر

سوبای لیق منی سیخدی

*

قوی گئدیم یوردا منی

تاپشیرما قوردا منی

گؤزو یولدا قالان وار

اؤلدورمه بوردا منی

*

بولبوللر اوشدو باغا

قوندو بوداق بوداغا

دنیادا بیر جانیم وار

اودا سنه ساداغا

*

اوجاقدا اودون قالا

اود گتیر اودون قالا

ثورخورام دوشم اؤلم

جانیمدا اودون قالا

*

روزجهانی کودک

هفده مهر ماه - هشتم اکتبر

اوشاقلار گونو اوشقلارا مبارک

***

بیر نئچه شعر میرزا علی اکبر صابر طاهرزاده دن

ار دئدی : آغلایورام بسکی اوزوم چیرکین دیر

ایلده بیر گؤرسه م اگر آینه ده صورتیمی

عورت عرض ائیله دی : یاهو سنی هر گون گؤرورم

نه قدیر آغلایورم شیمدی دوشین حالتیمی

*

جنت ده کی حوری لری ، قلمانلاری آللاه

قاودیم دییه بیر وحی ایله ائتسه سنی افهام

زاهد ، من اولوم گیزله مه آچ صدقینی سویله

سن بیرده ائده رسن می نماز امرینه اقدام؟

*

هپ کیچیکلر کیچیک ایکن بؤیویور

او نه دیر کی بؤیوک ایکن کیچیلیر؟

بو کیچیلمک فقط مسلمانین

بوینونا هر بیر امرده بیچیلیر؟

*

غافل یاشاماقدان سا گؤزل کار دیر اؤلمک

هر چند که غفلتله دخی هار دیر اؤلمک

زنجیر جهالتده بو آلچاق یاشاییشدان

جاهل ، سنه دار اوزره سزاواردیر اؤلمک

*

قارداشیمین مزاری - شهریار

داش نه بیلیر من بلالی باشیم وار
بو قبر اوسته آخان بیر گؤز یاشیم وار
آرزی - گورزی تاریخچه سیندن قالان
بوردا آنجاق بیر یازیلی داشیم وار
فاتحه نی اونوتمایین کی بوردا
منیم ده بیر یارالی قارداشیم وار

*

غم باسدی قلیانیمی - شهریار

قیشین قره قئییدی آلیب منیم جانیمی

خورتدان دئییب قوجالیق ، کسیب منیم یانیمی

بو سیگاردا زه لی تک ، دوشوب منیم جانیما

دوداق - دوداقه قویوب ، سورور منیم قانیمی

سازاق سازین قوراراق ، قولاقدی سانکی بورور

چکیبدی ایپلیگیمی ، قیریبدی قئیطانیمی

یئنه قیشین قوشونی ، پائیز مارشین چالاراق

کردیمده وارسا بیچیر ، لاله می ریحانیمی

اوشودوم ها اوشودوم، دئییر منیم دردیمی

کورسو تووین ایتیریب ، آختاریر درمانیمی

پاییزلامیش زمی یم، وریان منه نه گرک

دؤنرگه دؤندره جک ، دؤندیکجه وریانیمی

قوی چالخاسین بیزی بو ، زمانه ئهره کیمی

منیم سودوم چورویوب ، تورشاتسین آیرانیمی

هنر دیلین قلمین ایشدن سالان منی ده

ایشدن سالیب ایتیریب پاک ادیمی سانیمی

حیدربابا یولی تک ، یول باغلانیب اوزومه

آوچی فلک آولاییب سررویله جئیرانیمی

نازلی یاریم گئده لی ، سؤنوب منیم چیراغیم

خان وارسادا نه کاری ، ائوین کی یوخ خانیمی

مریم کؤچوب گئدیبن شهرزادینم دا گئدیر

فلک الیمدن آلیر ، درریمی مرجانیمی

یئتیم تک اوز - گؤزومی نیبت باسیب باساجاق

یامان قاریشدیریاجاق ، سلقه می ، سهمانیمی

نه دیز وار کی سورونوم، نه اوز وارکی قاییدیم

نه یوک قالیب نه یابی ، سویوبلا کروانیمی

ائلدن منی قئوجالیق ، آزقین سالیب ، سالاجاق

ایتیردی تبریزیم ، اودوزدو تهرانیمی

بیزیم ده چایخانامیز ، چای تؤکررک قوناغا

دولدوردی زردآب ایله ، منیم ده فنجانیمی

قلیانلا شهریاریم غمی قالدیر باقالیم

من ده خورولدادیرام ، غم باسدی قلیانیمی

*

آغیز یئمیشی - شهریار

بیر گون آغیز قالی بوش

بیر گون دولو داد اولی

گون وار کی هئچ زاد اولماز

گون وار کی هر زاد اولی

بختین دورا باخارسان

یادلار قوهوم قارداش دی

آمما بختین یاتاندا

قوهوم قارداش یاد اولی

چالیش آدین گلنده

رحمت اوخونسون سنه

دنیادا سندن قالان

آخیردا بیر آد اولی

گؤردون ایشین اگیلدی

دورما اکیل گؤزدن ایت

دوستون گؤره ر داریخار

دشمن گؤره ر شاد اولی

*

اویون اولدوق - شهریار

ایتیمیز قورد اولالی بیزده قاییتدیق قویون اولدوق

ایت ایله قول - بویون اولدوق

ایت الیندن قاییدیب قوردادا بیرزاد بویون اولدوق

ایت ایله قول - بویون اولدوق

قوردوموز دیشلرینی هی قارا داشلاردا ایتیلتدی

قویونون دا ایشی بیتدی

سون سوخولدو سورویه ، بیر سورونی سؤکدو داغیتدی

اکیلیب ایت گئدیب ایندی

بیزده باخدیق ایت ایله قورد آراسیندا اویون اولدوق

ایت ایله قول بویون اولدوق

عباس پناهی ماکوئی

عباس پناهی در سال 1281 هجری شمسی در شهر ماکو در خانواده ای ادب دوست به دنیا آمد. کودکی اش در زادگاهش سپری شد. اواز سال 1286 - 1296 در شهر خوی به تحصیل پرداخت. پدرش حاجی علی اکبر ، از تاجران خوش نام و بزرگ دوران خود بود. عباس در سن پانزده سالگی تحت تاثیر میرزا علی اکبر صابر سرودن شعر را آغاز کرد. در سال 1304 حکایت « پریشا » را نوشت که در روزنامه « یئنی فیکیر » به چاپ رسید.از آن هنگان به بعد نوشته هایش مورد استقبال مردم قرار گرفت.
در سال 1321 در روزنامه آذربایجان در تبریز شروع به کار کرد . او در این نشریه حکایت می نوشت.او در سال 1325 به شهر باکو کوچ کرد.
عباس پناهی متخلص به ماکولو پناهی ، روز 29 سپتامبر1971 میلادی بعد از یک دوره بیماری سخت درگذشت.
از آثار او می توان سیرلی چوبان ، قیرمیزی آشیقلار ، تبریز گئجه لری ، ستارخان ،قیزیل زندان ، منظومه خانیم ننه را نام برد.
بعد از درگذشت عباس پناهی ، پسرش شفیق پناهی دو دست نوشته به چاپ نرسیده اش خیابانی و حیدر عموغلی را به چاپ رساند.
اقتباس از : ماکولی عباس پناهی و ستارخان رومانی .به قلم صمد شفیع زاده.
شرح کامل زندگی عباس پناهی به روایت صمد شفیع زاده در این آدرس
http://shafizadeh.net/satar%20xan.pdf

*