بایاتی لار - 3

دسمالین آغ دی من ده
گوللودو آغ دی من ده
سنین بیر جه یوخ سؤزون
یارادی داغ دی من ده
*
باغچا من ده بار من ده
هئیوا من ده نار من ده
سینم عطار توکانیدی
نه ایسته سن وار من ده
*
من عاشق قالا من ده
برج من ده قالا من ده
یا بیر قیزیل گول وئردی
یادگار قالا من ده
*
سو گلدی دولو بنده
آخدی تؤکولدو کنده
اوره ییمه اود دوشدو
یار بوینونو بوکن ده
*
کؤینه یین گولو خارا
یایلیقین گولو خارا
بولبوله خبر گئتسین
وئردیلر گولو خارا
*
آرخالیغین جوت یاخا
یاخانا یار گول تاخا
باش قویوم دیزین اوسته
جان وئریم باخا - باخا
*

۲ نظر:

آلما يولو (بيات( گفت...

سلام
وبلاگينيزي چوخدان اوخويارام.
بو گون مصاحبه نيزي دينله ديم.
كدرلي كئچميشيز دوغرودان دا مني كدرلنديردي.
ساغ اولاسيز.

آلما يولو گفت...

سلام خانم اماني
كامينتيزا بير حاواب يازديم بو قونودا بحث ائتمك ده چوخ ضروري دير.
حورمتله.