بایاتی

بولاق اوسته داش اولایدیم
سو ووردوقجا یاش اولایدیم
یار بولاغا گلن زامان
اونونلا یولداش اولایدیم
*
بولاغ اوسته دوران گؤزل
قولتوغوندا قرآن گؤزل
قرآن سنه غنیم اولسون
اؤز عهدینی دانان گؤزل
*

بایاتی - تبریز

تبریز اوستو میانا
گول سونبوله دایانا
اوخو بلبلوم اوخو
یاتمیش بختیم اویانا
*
تبریز اوستو مراغا
تئلیم گلمیر داراغا
منیم یاریم اوشاقدیر
اؤرگتمیون عاراغا
*
*

بایاتی - تبریز

تبریز اوستو گونئیدی
شوشه لر دولو مئی دی
یاردان بیر کاغاذ گلدی
بوتون عرضی گیلئیدی
*